افتتاح اول غرفة موضة فى الاسكندرية 29-4-2016


تتشرف يونيك ستايل بدعوتكم لحضوركم أفتتاح اول غرفة موضة لها الجمعة المقبلة 29 أبريل 2016
 
ايه هى غرفة الموضه؟
هى فكرة جديدة من يونيك ستايل و خدمة مميزه لكل عملائنا ، نشأت يونيك ستايل كموقع بيع اونلاين ولكل عملائنا اللى زارونا فى مقر الشركة وعدناهم ان قريب هنفتح مكان افضل لخدمه العملاء و هيكون فيها خدمات مميزه جديده و فى مكان اسهل فى الوصول ، غرفة الموضه مش مجرد محل بيع عادى احنا هنقدم فى غرفه الموضه دى اقوى واول خدمه من نوعها فى مصر طاقم عمل مدرب و خبره فى مجال الموضه و الاستايلنج مستعدين بالكامل لتقديم الاستشارة و المساعدة لكل عملائنا بما يناسبهم من احدث واجدد موضه فساتين وملابس والوان واستيلات ومكياج واكسسوارات
 
ليه مهم اجى الافتتاح؟
بالنسبه لينا حضورك الافتتاح تشريف و سعاده لينا ومهم جدا جدا بالنسبه لينا عشان نتعرف على كل واحده من عملائنا و نتقابل وجها لوجه و نسمع منك كل ارائك وكل اللى يهمك و بتحبيه من موضه و استيلات ، ومن حرصنا على توفير كل اللى بتحبه كل بنت عملنالك فى الافتتاح مفاجأت و عروض احنا متحمسيين جدا جدا نشوف فرحتك وفرحه كل بنت و سعادتها معانا هتكون عامله ازاى
 
فين المكان؟
المكان هوا عباره عن محل فى المندرة بحرى ، الاسكندرية
العنوان تفصيلا هو رقم 504 برج اليسر، شارع ملك حفنى ، المندرة بحرى ، الاسكندرية
 
أزاى اوصل للمكان؟
المكان سهل وفى شارع رئيسى - لو جيه عن طريق الكورنيش (500 متر من البحر يعنى دقيقتين بالعربيه او 10 دقايق مشى" ، ادخلى فى شارع حسنين هيكل على ناصيته "دوار جحا" المشهور هتعدى تقاطع شارع جمال عبد الناصر على ناصيه "حسنى للمشويات" وهتكملى لغايه شارع ملك حفنى " شارع السكه الحديد " هتحودى يمين و تعدى شارع واحد لغايه ما هتلاقى اليفطه بتاعت يونيك ستايل
 
لو جايه من ناحيه فتح الله ،المنتزه - هتمشى مسافه 700 متر فى اتجاه المندره هتعدى محطه قطر المندره و شارع محمد حسنين هيكل لغايه ماتوصلى للمحل فى برج اليسر
 
لو جايه من ناحيه العصافره هتعدى مبره العصافره فى اتجاه المندره و تعدى على مساكن عثمان و هتلاقى المحل على شمالك
 
هتلاقى تحت لينك بيبين مكان غرفة الموضه على الخريطه عشان يسهل عليكى الوصول بالجى بى إس
Google Maps link: https://goo.gl/qxELSa

Leave a comment


Please note, comments must be approved before they are published